…party i after WTF party 😉
Pasalo j’ već više od leto dan od prvog izdanja najšesnijeg festivala vina i jila v’ Riki. Sretni smo ča naše događanje živi i dalje i ča ćemo se i ovo letova prekrasnon Guveru družit i veselit. Naš cilj ovo leto j’, ne samo družit se i uživat, već spojit sih ki imaju potribu govorit s vinarimi i provat njihovo vino. Aš ni boljeg mesta za dogovorit delo va našen Primorju od ovog događanja. Ovo leto smo uveli neki noviteti ča morete videt i va našen programu. Imamo WineRi štajun, ili vrime od WineRi festivala ko traje saku sredu od 28. veljače i finjiva sa zapiranjen festivala. Ali, to ni se, u sklopu WineRi štajuna održat ćemo još neka događanja ka dogovaramo s našin partnerima. WineRi šetemana, kako sama beseda govori traje jednu šetemanu, od petka 13. aprila do nedilje 22. aprila. Ča smo tu zamisleli? Petak 13., za kog mislimo da j’ sretan dan će se održat, kako se to moderno reče WineRi after job party kod naših partneri kadi ćete moć kušat vina naših izlagači. Od tog petka pa do petka/ subote 20.-21. aprila ćete va restoranima ki su naši partneri moć jist WineRi menű i pit vina naših izlagači. Zač ne poć i probat sljubljene delicije i vino!? Festival će se održat petak i subotu, aš nan se to pokazalo bolje nego kroz tjedan, kada će se va Guvernerovoj palači moć probat 300 vrsti vina, dogovorit delo s vinarima i uživat va prostoru i atmosferi. Nakon ča se na 8 ur večer zapru vrata festivala, va gradu će se održat WTF party (wine testing festival) na kon će se opet ta vina moć kušat uz živu muziku i zabavu.
Na kraju, velo fala simi sponzorimi i partnerimi, niš bez njih.
Pridite si i uživajte
Žare & Ive